မကြာမီ မြန်မာ့ရိုးရာ သင်္ကြန်ပွဲတော် ကြီးကျရောက်တော့မည်။ သင်္ကြန်ပွဲတော်နှင့်အတူ အသားကျနေသော ရေကစားမဏ္ဍပ် များသည်လည်း အပြိုင်အဆိုင် ဆောက်လုပ်နေကြသည်။ သင်္ကြန်ပျော် လူငယ်များကလည်း အတာသင်္ကြန်ပွဲကို မီးကုန်ယမ်းကုန် ဆင်နွှဲရန် စီစဉ်နေကြပြီ။
ရန်ကုန်မြို့တော် သင်္ကြန်ရေကစား မဏ္ဍပ်များကား ဒီဇိုင်းစုံ၊ ကာလာစုံ၊ ဝန်ဆောင်မှုအစုံဖြင့် သင်္ကြန်ပျော်လူငယ် များကို ဆွဲဆောင်နေကြသည်။ နာမည်ကျော် အဆိုတော်များ၊ မော်ဒယ်လ်များ၊ ဒီဂျေများနှင့်အတူ မဏ္ဍပ်များကား သင်္ကြန်၏ ပျော်ရွှင်မှုကို ပို၍ အရောင်တောက်စေမည်လား။
အဆိုပါမဏ္ဍပ်များ၏ နောက်ဘက် မျက်နှာတွင်ရော မည်သို့ရှိသနည်း။
“ကျွန်မက သင်္ကြန်ဆိုတာ ကြားတာနဲ့ကို သင်္ကြန်ပျော် မိန်းကလေးတွေအတွက် စိတ်ပူမိတယ်။ ကျွန်မကိုယ်တိုင်လည်း ကြုံခဲ့ရတော့ ပိုပြီးစိတ်ပူမိပါတယ်” ဟု သင်္ကြန်မဏ္ဍပ်များ၏ နောက်ခြမ်းဆီက အကျိုးဆက်ကို ကိုယ်တွေ့ ကြုံတွေ့ ခံစား ခဲ့ရဖူးသည့် မဒါလီက ရင်ဖွင့်လာသည်။
မဒါလီသည် ယခုမူ စင်ကာပူနိုင်ငံတွင် ရောက်ရှိနေသည်။ သူမသည် ၂၀၁၂ ခုနှစ် သင်္ကြန်တွင် သင်္ကြန်ပျော် မိန်းကလေးပီပီ ခေတ်လွန်အဝတ်အစားများ ဝတ်လျက် ရေကစားခဲ့သူများထဲမှ တစ်ယောက်ဖြစ်သည်။ စင်ကာပူနိုင်ငံတွင် အလုပ်တစ်ဖက်နှင့် ကျောင်းတက်နေရာမှ ၂၀၁၂ ခုနှစ်တွင် မြန်မာနိုင်ငံသို့ ခေတ္တခဏ ပြန်လည်ရောက်ရှိ လာခဲ့ပြီး သင်္ကြန်ပွဲတော်တွင် သူငယ်ချင်း များနှင့်အတူ ဝင်ရောက်နွှဲပျော်ဖြစ် ခဲ့သည်ဟု ဆိုသည်။
“အဲဒီနှစ်ကတောင် မဏ္ဍပ်ကြေးက VIP လက်မှတ်ဆိုတော့ တစ်သိန်းနှစ်သောင်း ပေးရပါတယ်” ဟု သူမက ဆိုသည်။
ထိုစဉ်က သူမသည် ကန်တော်ကြီး ပတ်လမ်းရှိ နာမည်ကျော်မဏ္ဍပ် တစ်ခုတွင် ရေကစားခဲ့ခြင်း ဖြစ်သည်။ သူမတို့ ရေကစားသည့် နာမည်ကျော်မဏ္ဍပ်ကြီးတွင် အရက်၊ ဘီယာများနှင့် အခြားမူးယစ်စေသည့် အရာမှန်သမျှကို ငွေပေးကာ ရယူနိုင်ခဲ့သည့် အပြင် မူးယစ်မှု၏အလွန် ကာမဆန္ဒ ဖြည့်လိုသည့် ချစ်သူစုံတွဲများအတွက် မဏ္ဍပ်၏ နောက်ကွယ်တွင်လည်း ဗီနိုင်းစ၊ ဝါးထရံ စသည်တို့ဖြင့် ကာရံထားသော ငါးပေပတ်လည် အခန်းငယ်များ ပါရှိကြောင်း သူမကြုံခဲ့ရသည့် မဏ္ဍပ်ဖွဲ့စည်းပုံကို ပြောပြလာသည်။
“ပထမတစ်နှစ် ကစားတုန်းက မဏ္ဍပ်ပေါ်မှာ အရက်၊ ဘီယာလောက်နဲ့တင် အဆင် မပြေတော့ဘူး၊ အရမ်းကဲလို့ ကောင်းတာ ကိုး...။ အဲဒီမှာ မဏ္ဍပ်ပေါ်မှာပဲ ရာဘတွေကလည်း အရောင်းအဝယ် ဖြစ်ကြတော့ ကျွန်မကိုယ်တိုင်ကလည်း သူငယ်ချင်းတွေရဲ့ ဆွဲဆောင်မှုကြောင့် သုံးဖြစ်သွားတယ်၊ ကျွန်မတို့ ဆေးချတော့လည်း နောက်အခန်းထဲမှာ သွားချတာပေါ့။ အဲဒီမှာ တစ်ဖက်က အခန်းတွေကလည်း Sex ပိုင်းဆိုင်ရာတွေ အရှက်မဲ့ပြုမူနေတာကို တွေ့ရတော့လည်း အားလုံးက တစ်မျိုးမဟုတ်တစ်မျိုး မူးနေတော့ မြင်သူရော ယိုသူရော ရှက်ရမှန်းကိုမသိ တော့ပါဘူး” ဟု ဆိုကာ မဒါလီတစ်ယောက် မဏ္ဍပ်ပေါ်တွင် ကိုယ်တိုင်တွေ့ကြုံမြင်တွေ့ ခဲ့ရခြင်းများကို အသေးစိတ် ရှင်းပြနေလေသည်။
ထို ၂၀၁၂ ခုနှစ်သင်္ကြန်မှစ၍ သူမ၏ ဘဝသည် မူးယစ်သားကောင်ဘဝအဖြစ် လုံးဝကျရောက်သွားရာ မပြီးပြတ်သေးသည့် ပညာရေး ဆက်လက်သင်ကြားရန် အတွက် စင်ကာပူသို့ပင် မပြန်နိုင်တော့။
မဒါလီသည် လူကုံထံ အသိုင်းအဝိုင်း မှ မွေးဖွားလာသူပီပီ ငွေကြေးကို အတိုင်းထက်အလွန် သုံးစွဲနိုင်သူလည်း ဖြစ်ရာ သူမ၏ မိဘများကလည်း ပြောဆိုဆုံးမ၍ မရနိုင်တော့သော သမီးဖြစ်သူကို ရင်ထုမနာဖြစ်ကာ ထိုင်ကြည့်နေရုံမှအပ မည်သို့မျှ မတတ်နိုင်ခဲ့ဟု ဆိုသည်။
“အဲဒီတုန်းက ဆေးတွေလည်းသုံး၊ ဘီယာကလည်းသောက်၊ အဝတ်အစားဆို မလုံ့တလုံဆိုတာမျိုးပဲ ရွေးဝတ်၊ မဏ္ဍပ်ပေါ် အပြတ်ကဲ၊ တွေ့သမျှမဏ္ဍပ်ပေါ်က ယောက်ျားတွေနဲ့ တွဲက။ ကိုယ့်ကို ဘယ်သူကလာဖက်ပြီး ဘယ်သူက နမ်းမှန်းမသိ။ ဒါကိုပဲ အဲဒီအချိန်က Feel တစ်မျိုးဖြစ်ခဲ့တာပေါ့” ဟု သူကဆိုသည်။
ယခုအခါ ဂျင်းပင်ကို တီရှပ်လက်တိုနှင့် လုံလုံခြုံခြုံ တွဲဝတ်ထားပြီး အသားအရေ ဝင်းမွတ်ကာ ရွှေအိုရောင်ဆံပင်ကို ကျောလယ်ထိ ချထားသည့် မဒါလီက အချောအလှ စာရင်းဝင်တစ်ယောက် ဖြစ်သည်။ ထို့ပြင် မဒါလီသည် ထိုစဉ်က သင်္ကြန်တွင်း နာမည်ကျော်သွားသော နာမည်ကျော်မင်းသမီး တစ်လက်၏ သူငယ်ချင်းတစ်ဦးလည်း ဖြစ်သည်။
“ကျွန်မက မိမဆုံးမ ဖမဆုံးမလိုကို ဖြစ်သွားတာ။ သင်္ကြန်ပြီးတော့ ဆေးစွဲတယ်။ အိမ်ကလည်း သမီးတစ်ယောက်တည်း ပါတော့ ချစ်လည်းချစ်၊ အလိုလည်းလိုက၊် ဘာမှလည်း မပြောနိုင်တော့ ကျွန်မက အရမ်းဆိုးခဲ့တာ။ အဲ့ဒီနောက်ပိုင်း ခန္ဓာကိုယ်အနှံ့ တက်တူးတွေထိုး၊ ဘီယာ အချိန်ပြည့်သောက်၊ ဆေးချ၊ တကယ့် လမ်းဘေးစရိုက်ပဲ” ဟု မဒါလီတစ်ယောက် အတိတ်၏ အရိပ်ဆိုးများကို ပြန်လည်တူးဆွလျက် ပြောပြလာသည်။
သူ၏ သင်္ကြန်အတွေ့အကြုံက ၂၀၁၂ သင်္ကြန်မှာတင် မရပ်ပါ။
၂၀၁၃ ခုနှစ် သင်္ကြန်တွင်မူ ယခင်နှစ်ကဲ့သို့ ဆေးစွဲသည်ထက် ပိုမိုဆိုးရွားသော အတွေ့အကြုံကို သင်္ကြန်ရေကစားမဏ္ဍပ် များထံမှ မဒါလီ လက်ဆောင်ရလိုက်သည်။ သူမဘဝနှင့် ခန္ဓာကို သင်္ကြန်မဏ္ဍပ်၏ နောက်ကွယ် ဗီနိုင်းစကာထားသော အခန်းလေးများအတွင်း မည်သူမည်ဝါမှန်း မသိသူ၏ အဖျက်အဆီးကို ခံခဲ့ရခြင်းပင်။
သင်္ကြန်ပြီး နှစ်လကြာသည့်အချိန် ဆေးခန်းပြကြည့်ရာမှာ သူမတွင် ကိုယ်ဝန်ရှိမှန်း သိခဲ့ရသည်။ မည်သူမည်ဝါ၏ လက်ချက် ဆိုသည်ကိုပင် ခေါင်းစဉ် မတပ်နိုင်ခဲ့သည့် အခြေအနေ။
ထိုအဖြစ်အပျက်များကြောင့် ချစ်လွန်း၍ အလိုလိုက်ခဲ့သည့် မိဘများကပင် အရှက်လွန်ကာ သေကြောင်းကြံရန် ကြိုးစားခဲ့၍ မဒါလီတစ်ယောက် အသိတရား ပြန်ဝင်လာခဲ့ခြင်း ဖြစ်သည်ဟု မျက်ရည်များတွင်တွင် စီးကျရင်း ရင်ဖွင့်ဆိုလာသည်။
“အတက်နေ့ အပြတ်ကဲမယ်ဆိုပြီး မူးတာမှန်သမျှ အကုန်ချထားတော့ ကိုယ့်ကို ဘယ်သူက ဘာလုပ်သွားမှန်းတောင် မသိဘူး။ နှစ်လလောက်နေမှ ကိုယ်ဒီလို ဖြစ်တယ်ဆိုတာ သိရတာ။ တကယ့်ကို ဘဝက ရုပ်ဆိုးလွန်းသွားပါတယ်။ တခြား မိန်းကလေးတွေ ကျွန်မလိုဖြစ်မှာတော့ ကြောက်တာအမှန်ပါ” ဟု ဆိုလာချိန်သည် မဒါလီ၏ အသက်အရွယ်က ၂၇ နှစ်သို့ ရောက်ရှိချိန်ဖြစ်ပြီး တစ်ချိန်က ကြုံတွေ့ခဲ့ရသော အဖြစ်ဆိုး လှိုင်းဂယက်အားလုံးလည်း တည်ငြိမ်စ ပြုနေချိန် ဖြစ်သည့်အပြင် စင်ကာပူရှိ ဆော့ဖ်ဝဲလ်ကုမ္ပဏီ တစ်ခု၌ပင် တာဝန်ထမ်းဆောင်နေပြီ ဖြစ်သည်။
သင်္ကြန်ပွဲတော်သည် မြန်မာတို့၏ တန်ဖိုးမဖြတ်နိုင်သော ရိုးရာယဉ်ကျေးမှု ပွဲတော်တစ်ခုပင် ဖြစ်သော်လည်း ထိုပွဲတော်ကို အရုပ်ဆိုး အကျည်းတန်အောင် ပြုလုပ်ခဲ့သူများက သူမကဲ့သို့ ခေတ်လွန်သင်္ကြန်ပျော် လူငယ်များပင်ဖြစ်သည်ဟု သူမက ထပ်မံဆိုပြန်သည်။
စည်းလွတ်ဝါးလွတ် ခေတ်ပေါ် သင်္ကြန်ယဉ်ကျေးမှု နှင့်အတူ ရေကစားမဏ္ဍပ်များ၏ နောက်ကွယ်ရှိ နားနေခန်း ဟူသော ဗီနိုင်းကာ အခန်းလေးများတွင် သူမကဲ့သို့ မိန်းကလေး အရေအတွက် မည်မျှအထိ ဘဝပျက်ခဲ့ပြီနည်း။
မကြာခင် ရက်ပိုင်းအတွင်း နှစ်သစ်ကူး အတာသင်္ကြန် ကျရောက်တော့မည် ဖြစ်သည့်အတွက် သင်္ကြန်ပွဲတော်တွင် ပါဝင် နွှဲပျော်မည့် မိန်းကလေးများအနေနှင့် လိင်စိတ်လှုံ့ဆော်သည့် ဆေးဝါးများကို သတိပြုသင့်ပေသည်။ ထိုဆေးဝါးများသည် ဈေးကွက်တွင် အလွယ်တကူ ဝယ်ယူ၍မရဘဲ တစ်ဖက်နိုင်ငံမှ သင်္ကြန်ပွဲတော် နီးကပ်သည့်ရက်များတွင် သီးသန့်တင်သွင်းလေ့ ရှိကြောင်းလည်း ပန်းဆိုးတန်းရှိ လိင်ဆိုင်ရာ ဆေးဝါးများရောင်းချသူ ကိုမန်းနီးက ဆိုသည်။
“ကော်ဖီထုပ်၊ ပီကေ ရှိတယ်။ နောက် မဏ္ဍပ်တွေက အရက်စပ်ထားတဲ့ ပုံးတွေထဲ ထည့်ဖို့က အနံ့အရသာမပါတဲ့ တရုတ်ကလာတဲ့ဆေး ရှိတယ်။ အထူးသဖြင့် အမျိုးသမီးတွေစိတ်ကို ဘာမှမသိအောင် ဖြစ်စေတာ။ လိင်စိတ် ကြွစေတာမျိုးတွေ” ဟု ကိုမန်းနီးက ဆိုသည်။
၂၀၁၄ ခုနှစ်မတိုင်မီ အတာသင်္ကြန် ကာလများအတွင်းက လိင်စိတ်ကြွ ကော်ဖီ၊ ပီကေများသာ သုံးစွဲမှုများ ရှိခဲ့သော်လည်း ပြီးခဲ့သည့် ၂၀၁၄ ခုနှစ် သင်္ကြန်ကာလမှ စတင်၍ တရုတ်နိုင်ငံထုတ် အနံ့အရသာ မရှိသော 1ml အဖြူရောင် လိင်စိတ်ကြွ ဆေးပုလင်းများ သုံးစွဲလာသည်ဟု ရန်ကုန်မြို့တော် သင်္ကြန်မဏ္ဍပ်များတွင် ရေကစားခဲ့သူ အသက် ၂၄ နှစ်အရွယ် ကိုသက်မျိုးထွန်းက ဆိုသည်။
အဆိုပါဆေးရည်မှာ ဝယ်ယူရ လွယ်ကူ သည့်အပြင် သုံးစွဲရာတွင်လည်း သောက်သုံးမည့် အချိုရည်များတွင် ထည့်သုံးရသည့် အတွက် လွယ်ကူသောကြောင့် သင်္ကြန်မဏ္ဍပ်များတွင် အများအပြား သုံးစွဲခဲ့ကြသည်။ ထိုလိင်စိတ်ကြွဆေးရည်များကို သာမန်အားဖြင့် သုံးစွဲရာတွင် 1ml တစ်ပုလင်းကို နှစ်ကြိမ်သုံးစွဲနိုင်ပြီး သုံးစွဲပြီး မိနစ်နှစ်ဆယ်အကြာ လိင်စိတ် ပြင်းပြလာကြောင်း အဆိုပါ ဆေးညွှန်းများတွင် တရုတ်ဘာသာဖြင့် ရေးသားထားသည်။
သို့သော် ထိုဆေးရည်၏ နောက်ဆက်တွဲဆိုးကျိုးမှာ နှလုံးခုန်မြန်ကာ ဝမ်းသွားနိုင်သည့်အတွက် နှလုံးရောဂါ အခံရှိသူများအတွက် အသက်အန္တရာယ် ရှိနိုင်ကြောင်း စိတ်ရောဂါ အထူးကုဆရာဝန် တစ်ဦးဖြစ်သူ ဒေါက်တာဇော်မျိုးအောင်က ရှင်းပြလာသည်။
အသက်အန္တရာယ်နှင့် မကြုံတွေ့ရ ပါကလည်း နောက်ဆက်တွဲ လူမှုရေး ပြဿနာများဖြစ်သည့် အရွယ်မရောက်သေးမီ အိမ်ထောင်ပြုရခြင်း၊ အတူနေအမျိုးသားမှ ကူးစက်ရောဂါ အခံရှိလျှင် ထိုရောဂါပါ ကူးစက်ခံရခြင်း၊ ထို့နောက် မည်သူမည်ဝါမှန်း တိကျစွာ မဖော်နိုင်ဘဲ ကိုယ်ဝန်ဆောင်ရခြင်းများ ဖြစ်လာနိုင်သောကြောင့် သင်္ကြန်ပွဲ နွှဲပျော်မည့် မိန်းကလေးများအတွက် အထူးစိုးရိမ်မိကြောင်း ၎င်းက ဆိုသည်။
မဒါလီသည် ပိုက်ဆံရှိ အသိုင်းအဝိုင်း မှဖြစ်သည့်အတွက် သူမ၏အရှက်သိက္ခာ များကို ငွေကြေးဖြင့် ဖြေရှင်းနိုင်ခဲ့သော်လည်း ငွေကြေးမတတ်နိုင်သည့် မိန်းကလေးများ၏ ဘဝသည်ကား ထိုသင်္ကြန်သုံးရက် အပျော်လွန်မှုကြောင့် လမ်းဘေး ရောက်သွားနိုင်သည့်အပြင် အသက်သေဆုံးခြင်း များပါ ဖြစ်ပေါ်နိုင်ကြောင်း ဒေါက်တာဇော်မျိုးအောင်က ဆိုလာသည်။
စိတ်ဓာတ်မြူးကြွ ပျော်ရွှင်ဖွယ်ကောင်းသော တက္ကနိုမြူးဇစ်၊ အရောင်စုံ လူငယ်လူရွယ် များဖြင့် ပျော်ရွှင်ဖွယ်ရာအတိ ဖုံးလွှမ်းနေသော ရေကစားမဏ္ဍပ်များ၏ နောက်တွင် မိန်းကလေးများအတွက် ကြောက်မက်ဖွယ်ရာ ထောင်ချောက်များစွာကား ရှိနေသည်။ အရက်၊ ဘီယာ၊ တရားဝင်နီးပါး သုံးစွဲခွင့်ရနေသော စိတ်ကြွဆေးဝါးများ၊ လိင်စိတ် ကြွစေသည့် ဓာတုဆေးဝါးများ၊ မူးယစ် ထုံထိုင်း၍ အသိစိတ်ပျောက်ရှနေသည့် ဖိုမ များ၊ မဏ္ဍပ်နောက်ဘက်မှ နားနေခန်း အမည်ခံ ဗီနိုင်းကာ အခန်းလွတ်များ။
ယခုအခါ စင်ကာပူနိုင်ငံတွင် နေထိုင်ကာ သင်္ကြန်ပွဲတော်တွင်း မြန်မာနိုင်ငံကို ခေတ္တပြန်လာသော မဒါလီသည် လွန်ခဲ့သောနှစ်များက ခေတ်လွန်သင်္ကြန်၏ မဏ္ဍပ် ထောင်ချောက်များကို ဘဝနှင့်ရင်း၍ သိလိုက်ရသည်။
ယခုတော့ မဒါလီတစ်ယောက် သင်္ကြန်၏ အနှစ်သာရကို တည်ငြိမ်စွာ ရှာဖွေတွေ့ရှိခဲ့လေပြီ။
“ကျွန်မ အခု ဆေးလည်းပြတ်ပြီ။ ဒီနှစ် တရားစခန်းဝင်မယ်။ ကျွန်မကို ပြီးခဲ့တဲ့ သင်္ကြန်တွေက ဘဝသင်ခန်းစာတွေ အများကြီးပေးလိုက်ပါပြီ” ဟူ၍သာ။
ခက်ဇော်
The Voice Myanmar
0 comments:
Post a Comment