 |
| အိမ်ထောင်မှုသာယာရေးမှာ လိင်ကိစ္စထက် အရေးကြီးဆုံးက ပွင့်လင်းမြင်သာမှုနဲ့ နားလည်မှုပဲဖြစ်ပါတယ်။ |
အိမ်ထောင်ကျပြီဆိုတာနဲ့ အမျိုးသမီးရယ်၊ အမျိုးသားရယ် ပွင့်လင်းမြင်သာမှုနဲ့ နားလည်မှုက အရမ်းကို အရေးပါ လာပါ တယ်။ လိင်မှုရေးရာကိစ္စမှာလည်း တဦးကို တဦးနားလည်မှ လိင်မှုရေးရာ အထွတ်အထိပ်ကို ရောက်နိုင်ပါတယ်။ ဒါပေမယ့် ဒီနေ့ အချိန်မှာ ခေတ်နဲ့ညီ တဲ့ အမျိုးသမီး တယောက်ဟာ ယောက်ျားတွေနဲ့ ရင်ဘောင်တန်းချင်သူ အောင်မြင်ချင်သူ ဖြစ်တယ်။ မရှက်ကြောက်သင့် တဲ့နေရာမှာ မရှက်ကြောက်တော့ဘူး လို့ ပြောဆိုယူဆမှုတွေပို များလာပါတယ်။ ယောက်ျားတယောက်ရဲ့ ရှေ့မှာ ရို သေ ကျိုးနွံစွာ ရှိနေပြီးတော့ သူ့ရဲ့ ဆန္ဒနဲ့ ဦးဆောင်ရာကို လိုက်ရတဲ့ အချိန်တွေက အတိတ်မှာ ကျန်ခဲ့ပါပြီ။ ဒီနေ့ ခေတ် အမျိုး သမီးတယောက်ဟာ လွတ်လပ်စွာရပ်တည်ပြီးတော့ ကိုယ်ဘ၀ရဲ့ ကောင်းရာကောင်းကျိုးကို ကိုယ်တိုင် ဆုံး ဖြတ် နေကြ ပါပြီ။
ဒါပေမယ့် လိင်မှုကိစ္စနဲ့ ပတ်သက်လာရင်တော့ ဘယ်လို ယူဆလို့ ရနိုင်မလဲ။ အမျိုးသားတွေက သူတို့ရဲ့ စွမ်းဆောင် ရည်နဲ့ ခွန်အားအတွက် ၀င့်ဝါနိုင်ဖို့ အမျိုးသမီးတွေက သူတို့အတွက် လိင်ဆက်ဆံခြင်းရဲ့အထွတ်အထိပ် ဒါမှမဟုတ် အမြင့် ဆုံး သုခနဲ့ ပတ်သက်လို့ (ဟိုအရင်ကလို) လိမ်ညာနေကြတုန်းပဲလား။ အမျိုးသမီး တွေက လိင်ဆက်ဆံခြင်းရဲ့အထွတ်အထိပ် ကို မရရှိတာ ဟာ သူတို့ရဲ့ အားနည်းချက်လို့ ထင်နေကြတုန်းပဲလား လို့ တွေးစရာတွေ ရှိလာပါတယ်။
အမျိုးသမီးတွေက သူတို့ရဲ့ အထွတ်အထိပ် အချိန်နဲ့ ပတ်သက်လို့ မလိမ်ညာကြဘူးလို့ အများစုက ယုံကြည်ကြပါတယ်။ ဘာကြောင့်လဲဆိုတော့ လက်ထပ်ထားတဲ့ ဇနီးမောင်နှံတွေ ဖြစ်စေ၊ အတူနေသမီးရည်းစားလို ဆက်ဆံရေးမျိုးမှာ ဖြစ်စေ ပေါင်းစပ်မှုက တန်းတူရည်တူ ဖြစ်တယ်လို့ သဘောထားမယ်ဆိုရင် အမျိုးသမီးတွေ အနေနဲ့ လိင်ဆက်ဆံမှုနဲ့ ပတ်သက် လို့ စိတ်မကျေနပ်တာ၊ ဆန္ဒမပြည့်ဝတာရှိရင် သူတို့ရဲ့ အမျိုးသားကို ပွင့်ပွင့်လင်းလင်း ဖွင့်ပြောပြနိုင်တဲ့ အခြေအနေတွေ ရှိနေလို့ ဖြစ်ပါတယ်။ လိင်မှုကိစ္စဆိုတာ သားသမီးရဖို့ အတွက်သက်သက် လို့ ဘယ်သူမှ မတွေးတော့ပါဘူး။ ၂ဦး ၂ဘက် ပျော်ရွှင်ကျေ နပ်မှုကို ရရှိစေနိုင်တဲ့ အကြောင်းတခုဖြစ်ပါတယ်။
ဒါပေမယ့် တချို့ကတော့ အမျိုးသမီးတွေဟာ ပညာတတ်တွေဖြစ်ပြီး လူမှုအဆင့်အတန်းမြင့်မားတဲ့ သူတွေဖြစ်သည့် တိုင် အောင် လိင် မှုကိစ္စနှင့် ပတ်သက်လို့ ရှက်ကြောက်နေကြတုန်းပဲလို့ မြင်ကြပါတယ်။ ဒီအကြောင်းကို ပြောဆိုဆွေးနွေးဖို့ အ တွက် သူတို့ မှာ အဆင်မပြေပါဘူး။ ဒါ့အပြင် လိင်ခံစားမှုရဲ့ အထွဋ်အထိပ်ကို ရသလိုမျိုး ဟန်ဆောင်ထားတာ ရှိခဲ့ရင် လည်း သူတို့ရဲ့ အမျိုးသားတွေသိသွားမှာ၊ စိတ်ပျက်သွားမှာ စိုးရိမ်တဲ့ အတွက် ပွင့်ပွင့်လင်းလင်း ပြောကြမှာ မဟုတ်ပါဘူး။
တချို့ကလည်း အမျိုးသမီးတွေဟာ လိင်မှုကိစ္စမှာ စိတ်ဝင်စားမှုမရှိကြဘူး။ ဒါကြောင့် သူတို့ရဲ့ အမျိုးသားတွေ စိတ်ကျေနပ် မှုရအောင်လို့ ခံစားမှုရဲ့ အထွဋ်အထိပ်ကို ရသလိုမျိုး ဟန်ဆောင်နေကြတာလို့ စွပ်စွဲကြပါတယ်။ ဒါကတော့ တကယ်လို့ အမျိုးသမီးတယောက်က လိင်ကိစ္စကို နှစ်သက်ကျေနပ်တယ်ဆိုရင် သူဟာ အကျင့်ပျက်တဲ့ မိန်းမဖြစ်ရမယ်ဆိုတဲ့ အယူအ ဆ ဟောင်း တွေရဲ့ အခံရှိနေလို့ ဖြစ်ပါတယ်။
တချို့ကလည်း အမျိုးသမီးတွေက အိပ်ခန်းထဲမှာ ယောက်ျားတွေပြုသမျှနုနေရတဲ့ ပုံစံမျိုး ဖြစ်အောင် လိမ်ညာနေကြတာလို့ ထင် ကြပြန်ပါတယ်။ ဒါကြောင့် သူတို့က လိင်ဆက်ဆံမှုရဲ့ အထွဋ်အထိပ်ကို ရသလိုမျိုး ဟန်ဆောင်ကြပါတယ်။ ကိုယ့် ရဲ့ အမျိုးသားနဲ့ ဒီကိစ္စကြောင့် ပြဿနာမဖြစ်ရအောင် အလွယ်တကူ ဟန်ဆောင်လိုက်တာမျိုးပါ။ နောက်ပြီးတော့ သူတို့က စိတ်ကျေနပ်မှု ရှိတဲ့ အကြောင်း သူတို့ရဲ့ အမျိုးသားကိုလည်း ပြချင်ပါသေးတယ်။ အဲဒီလိုနဲ့ပဲ အထွတ်အထိပ်ကို ရသလိုမျိုး ဟန်ဆောင်ဖြစ်သွားကြပါတယ်။
အလုပ်တခုကို ပြီးအောင်လုပ်တဲ့ သဘောမျိုးနဲ့ အထွတ်အထိပ်ကို ရသွားသလိုဟန်ဆောင်ခဲ့ပါတယ်လို့ ၀န်ခံတဲ့ အမျိုးသမီး တချို့လည်း ရှိပါလ်ိမ့်မယ်။ ဒီလို ကိစ္စမျိုးကို လိမ်ညာဟန်ဆောင်ခဲ့တာ မရှိပါဘူးလို့ ပြောတဲ့ အမျိုးသမီးတွေ လည်း ရှိပါလိမ့် မယ်။ ဒီလိုအခြေအနေမျိုးမှာ လိင်ဆက်ဆံခြင်းရဲ့ အထွတ်အထိပ် နဲ့ ပတ်သက်လို့ လိမ်ကြ သ လား မလိမ်ကြဘူးလား ဆိုတာကို အဖြေရဖို့ အတော်ကို ခက်ခဲပါတယ်။ ဒါကြောင့် အမျိုးသမီးတွေရဲ့ အထွတ် အထိပ် ခံစားမှုဟာ သူတို့လိုပဲ ပဟေဠိဆန်တယ်၊ နားလည်ရခက်တယ်လို့ ပြောရတော့မှာ ဖြစ်ပါတယ်။ အိမ်ထောင်မှုသာယာဖို့မှာ အရေးကြီးဆုံးက ပွင့်လင်း မြင်သာဖို့နဲ့ နားလည်မှုက အဓိကပါပဲ။
irrawaddy.org
0 comments:
Post a Comment